Ég las langt fram yfir háttatíma Jóhönnu í kvöld og er loksins sest núna fyrir framan tölvuna. Við vorum að klára bókina Steinskrípin, hún var svo spennandi á endasprettinum að við gátum ekki hætt! Frábær bók, bæði spennandi og frumleg, við mæðgur mælum með henni!
Í gærkvöldi bjó ég til rétt sem sló í gegn hjá allri fjölskyldunni, „geðveikt gott“ var samdóma álit okkar allra. Þar sem ég bý alltaf til svo mikinn mat þá gerði ég tvær útfærslur af réttinum í gær, í sitt hvoru eldfasta mótinu, til að prófa mig áfram. Ég tók bara myndir af fyrri útfærslunni en gef uppskrift af þeirri seinni því mér fannst hún aðeins betri. Þá blandaði ég jógúrt við mangó chutney sósuna.
Uppskrift f. 6
- 2 sætar kartöflur (ca. 400 g stykkið)
- 6 kjúklingabringur
- ólífuolía
- 1 dós fetaostur í olíu
- ca 3/4 dl balsamedik
- 4-5 hvítlauksrif
- 3-4 cm engiferrót
- 100 gr spínat
- 2 dl mango chutney
- 2 dl grísk jógúrt (eða hrein jógúrt)
- salt og pipar
- fræblanda (t.d. hörfræ, furuhnetur, graskersfræ eða önnur tilbúin fræblanda)
Olíunni af fetaostinum blandað saman við balsamedikið og kjúklingabringunum velt vel upp úr blöndunni. Bringurnar látnar liggja í blöndunni á meðan sætu kartöflurnar eru útbúnar, helst lengur ef tími gefst. Bakarofn hitaður í 200 gráður. Sætar kartöflur afhýddar og skornar í bita, þær lagðar stórt eldfast mót eða ofnskúffu og góðri skvettu af ólífuolíu blandað saman við. Saltað og piprað. Sett inn í ofn við 200 gráður í ca. 20 mínútur. Á meðan eru kjúklingabringurnar steiktar á pönnu. Reynið að veiða sem mest af vökvanum sem bringurnar liggja í, á pönnuna með þeim. Bringurnar steiktar nokkrar mínútur á báðum hliðum þar til þær eru hálfeldaðar. Eldfasta mótið með sætu kartöflunum er tekið út úr ofninum eftir ca. 20-25 mínútur, hvítlaukur og engifer rifið (með rifjárni eða í matvinnsluvél) eða saxað smátt og því blandað vel saman við kartöflurnar ásamt spínatinu. Kjúklingabringurnar lagðar ofan á kartöflunnar. Jógúrt og mangó chutney er hrært saman og dreift yfir bringurnar. Því næst er fetaostinum dreift yfir ásamt fræblöndunni. Allt sett aftur inn í ofn í ca. 15 mínútur eða þar til kjúklingurinn er tilbúinn. Borið fram með mangósósu og fersku salati.
Mangósósa:
- 2 dl grísk jógúrt
- 2 dl mangó (frosið eða ferskt)
- 3 msk mango chutney
- safi úr 1/2 límónu (lime)
- salt og pipar
Öllu hráefninu blandað saman með töfrasprota eða í matvinnsluvél. Gott að smakka sósuna til með meiri límónusafa, mangó, mangó chutney og/eða salti og pipar eftir þörfum.
Eldhússögur 
Vá hvað ég ætla að prófa þennan um helgina
Gaman að heyra það Helga mín! Ég verð illa svikin ef þú fellur ekki fyrir þessum rétti! 🙂
Bakvísun: Maður þarf víst að næra sig … « Ullarsokkurinn
Bakvísun: Blogg um blogg og matarblogg « Ullarsokkurinn
Gerði þennan rétt í gær, hann er geggjað góður:)
Frábært Unnur Helga! Takk fyrir kveðjuna! 🙂
Takk kærlega fyrir að deila þessum meiriháttar rétti! Ég prufaði að elda hann áðan og hann er alveg rosalega góður! 🙂
Frábært að þér líkaði rétturinn Arna! 🙂 Takk fyrir að skilja eftir komment!
Var með réttinn fyrir gesti á sunnudaginn – gerði mikla lukku – ferskur og mjög góður 🙂
Gott að heyra Þuríður, takk fyrir kveðjuna! 🙂
Prófaði þennan áðan, rosalega góður! *slurp*
Gaman að heyra Auður, takk fyrir kveðjuna! 🙂
Þú ert bara Guðsgjöf hæfileikaríka kona! Dásamlegar uppskriftir, fallegar myndir og mikill kærleikur sem fylgir þessu öllu saman! Hef yndi af að fylgjast með og njóta þessara frábæru uppskrifta og er dugleg að deila með öðrum 😉 Bestu þakkir frábæra þú 😉
Kæra Þórdís, þakka þér fyrir dásamlega fallega kveðju! 🙂 Ég kíkti á síðuna þína og sá öll fallegu kertin sem þú gerir, ég ætla sannarlega að eignast eitt slíkt! Kveðja og þakkir tilbaka til þín! Dröfn
Þessi kjúlli sló í gegn heima hjá mér í gærkvöldi! Var með gesti í mat á mánudegi og var því búin að skera kartöflurnar niður og setja í eldfasta fatið og steikja kjúklinginn kvöldið áður. Skellti svo kartöflunum í ofninn á meðan ég bjó til salat úr Rucola, perum og parmesan – og svo kjúlinn og jukkið ofaná og inní ofn. Gæti ekki verið auðveldara 🙂
Frábært Freyja! 🙂 Þessi réttur er einmitt fullkominn í svona matarboð! Takk fyrir góða kveðju! 🙂
Prófaði þennan um daginn, rosalega góður. Á pottþétt eftir að gera hann aftur. Takk fyrir mig 🙂
Gott að heyra Ragnheiður – verði þér að góðu! 🙂
Takk kærlega fyrir þessa uppskrift, var með stórfjölskylduna í mat og allir dásömuðu þennan rétt. Ótrúlega góður 😀
Gaman að heyra Birna, takk fyrir kveðjuna! 🙂
Þessi er æði var rètt að kyngja,og allir vel sàttir
Frábært að heyra það Brynja! 🙂
Bakvísun: Vinsælustu uppskriftirnar 2013 | Eldhússögur
Prófaði þennan kjúklingarétt í kvöld ( lét bringurnar liggja í bleyti frá því í gær).
Vil hrósa þér fyrir frábæran rétt, mæli með honum.
kv Ástrún
Gaman að heyra Ástrún, takk fyrir góða kveðju! 🙂
Ég sá þennan rétt á Facebook síðunni í dag og ákvað strax að þennan yrði ég að prófa. Eldaði hann í kvöld og vá hvað hann var góður!! Allir yfir sig hrifnir 🙂 takk fyrir frábært matarblogg, hef prófað marga rétti frá þér 🙂
En gaman að heyra þetta Sigurborg, takk fyrir kveðjuna! 🙂