Ég er svo hrifin af pæjum eða bökum, þó sérstaklega og aðallega eplabökum. Mér finnst líka hindber sjúklega góð, ég er því búin að horfa lengi á þessa uppskrift og ætla að prófa hana. Þessi baka var ofsalega góð og krökkunum fannst hún himnesk! Svona bökur eru svo þægilegar að gera, þær eru fljótlegar og oftast á maður allt hráefnið til. Ég mæli með þessari fyrir bóndann á morgun! 🙂
Uppskrift:
- 100 g smjör, skorið í teninga
- 100 g muscovadosykur eða púðursykur
- 75 g haframjöl
- 100 g pecan hnetur, saxaðar smátt
- 1 tsk vanillusykur
- ½ tsk kanill
Fylling:
- 4-5 epli, afhýdd og skorin í litla jafnstóra teninga
- ca 2 dl hindber (hægt að nota fryst hindber sem hafa verið afþýdd)
- Safi úr 1/4-1/2 sítrónu
Eplin eru sett í bökuform ásamt hindberjunum og sítrónusafanum dreift yfir. Þá er restinni af hráefnunum blandað saman í höndunum og dreift yfir eplin og hindberin. „Crumble“-ið (hvað kallast það á íslensku??) er hægt að gera með góðum fyrirvara og geyma í ísskáp. Bakan er bökuð í miðjum ofni við 180 gráður í 20-25 mínútur. Borið fram heitt með þeyttum rjóma eða vanilluís.
Eldhússögur 
Mmm hvað þessi hljómar vel, held að minn fái svona á morgun 🙂 Elska hvað þú notar hindber mikið..er algjörlega sjúk í þau. Nenni samt varla að standa í þvi að afhýða þau fyrir notkun 😉 hehe..
Hvaða, hvaða, þau verða svo mikið betri þannig! 😉 ….. ég ákvað samt að það væri sniðugara að afÞýða þau! 🙂
Við erum greinilega alveg á sömu línu hvað okkur finnst gott.. þessi lítur dásamlega út.. 😉
Takk fyrir það Anna Sigga! 🙂 Ekki slæmt að við séum með sömu bragðlaukana! 🙂
Bakaði þessa áðan, hún er æðislega góð. Hef aldrei bakað eplaköku áður. Átti reyndar bara frosin brómber en það var ekkert verra, næst ætla ég að auka óhollustuna og bæta við súkkulaðispæni:)
Gaman að heyra það Unnur Helga! Það er einmitt hægt að nota hvaða ber sem er, ég er viss um að brómberin komi vel út í þessari böku og súkkulaði passar jú við flest allt! 🙂
Yndislegt að fylgjast með þér! Jákvæð og skemmtileg!
En hvað þetta var fallega sagt og gleður mig mikið Ruth, kærar þakkir! 🙂
Bakvísun: Rabarbara- og perubaka með stökkum hafrahjúp | Eldhússögur
Bakvísun: Rabarbara- og perubaka með stökkum hafrahjúpi | Eldhússögur
Mulningur er gott orð yfir krumbl