Eldhússaga dagsins er frönsk súkkulaðikaka, saga sem verður aldrei of oft sögð! 🙂 Strangt til tekið eru klassískar franskar súkkulaðikökur ekki með kremi, en þessi fær undanþágu án nokkurra vandkvæða! Ljúffeng súkkulaðikakan leidd saman við gómsæt kremið, það er bara ekki hægt að standa í vegi fyrir slíkri sameiningu, enda les líklega engin frönsk kökulögga þetta blogg! Ég skreyti oftast þessa frönsku dásemd með jarðaberjum eða hindberjum. En verandi stödd á Vestfjörðunum þurfti ég að grípa til þess sem í boði var. Það var annars vegar kiwi og hins vegar nýtínd bláber frá bláberjalyngi við fjallsrætur Brella þó enn sé júlí. Einkenni franskra súkkulaðikaka eru að í þeim er lítið, jafnvel ekkert hveiti. Kakan er dökk, þétt og þung og á að vera eins og hún sé dálítið klesst. Þetta er einföld kaka sem flestum þykir góð, þetta er til dæmis uppáhaldskaka yngstu barnanna á heimilinu.
Uppskrift
Botn:
- 2 dl sykur
- 200 g smjör
- 200 g suðusúkkulaði
- 1 dl hveiti
- 4 stk egg
Súkkulaðikrem:
- 150 g suðusúkkulaði
- 70 g smjör
- 2-3 msk síróp
Aðferð-botn:
Þeytið eggin og sykurinn vel saman. Bræðið smjörið og súkkulaðið saman við vægan hita í potti. Blandið hveitinu saman við eggin og sykurinn. Bætið bráðnu súkkulaðinu og smjörinu að lokum varlega út í deigið. Bakið í vel smurðu tertuformi (ath. ekki lausbotna) við 170°C í 30 mínútur.
Aðferð – krem:
Látið allt saman í pott og bræðið saman við vægan hita. Kælið bráðina svolítið og berið hana síðan á kökuna þegar hún hefur kólnað.
Kakan á að vera blaut í miðjunni. Gott er að bera kökuna fram með rjóma eða ís og berjum, til dæmis jarðaberjum, hindberjum eða bláberjum.
Eldhússögur 
Bakvísun: Eftirréttir fyrir gamlárskvöld | Eldhússögur
Bakvísun: Maríukaka | Eldhússögur
Franska súkkulaðikakan, æði hafði hana í afmælinu mínu þ 6. júní…Sló í gegn…!.Mig langaði að spyrja þig .Ostakakan með mangó og ástaraldiniu. má frysta hana?.Takk kærlega fyrir mig.
Gaman að heyra það Lóa! 🙂 Já, þú getur auðveldlega fryst mangó ostakökuna. Passaðu bara að hún sé alveg kólnuð áður en þú setur hana í frysti og settu vel plast yfir hana. Það er hins vegar best að frysta hana ekki með ástaraldninu á. Settu það á eftir að hún er þiðnuð. Gangi þér vel! 🙂
Smá ritvilla vonandi skilur þú þetta.Takk fyrir.
Hentar þessi uppskrift til að baka í ofnskúffu?
Sæl Stella. Ég gerði þessa einmitt í ofnskúffu um daginn. Þá gerði ég hana tvöfalda og bakaði í 30 mínútur. Hér er nákvæmari lýsing: https://eldhussogur.com/2013/05/26/mariukaka/
Ég var með þessa súkkulaðiköku í eftirrétt í afmæli dóttir minnar, kakan er algjört æði, þetta er í fyrsta sinn sem ég legg í að gera svona köku og hún er svo eiföld og æðislega góð, takk fyrir skemmtilegt blogg 🙂
Frábært að heyra þetta María, takk fyrir kveðjuna! 🙂
Bakvísun: Vinsælustu eftirréttirnir | Eldhússögur
Bakvísun: Vinsælustu uppskriftirnar 2013 | Eldhússögur
Hæhæ, ég ætla að baka þessa en þú skrifar að það eigi ekki að nota kökuform með lausum botni, ég á þannig og ég var að velta því fyrir mér hvort ég þyrfti að fara kaupa eitthvað annað form til að baka kökuna, er alveg bannað að nota lausbotna og afhverju þá?
takk fyrir 😀
Sæl Adela. Deigið er svo þunnt að það lekur á milli ef þú notar lausbotna form – það er allavega mín reynsla! 😉 Ég myndi mæla með svona formi http://www.byggtogbuid.is/product/bokunarform-med-hnif-23cm eða svona sílíkonform eins og ég nota https://eldhussogur.files.wordpress.com/2012/10/img_9601.jpg
úfff! var að taka eina svona útúr ofninum og get ekki beðið eftir því að smakka hana!
allar uppskriftir sem ég hef prófað frá þér eru yndislegar og ég hef á tilfinningunni að þessi sé ekkert síðri 🙂
Takk fyrir ljúfa kveðju Guðrún Kristín – vonandi líkaði þér kakan! 🙂
Hún var algjör snilld, allir aðilar fóru sáttir frá borðinu eftir kaffitímann 🙂
Frábært Guðrún Kristín! 🙂
Bakvísun: Glútenlausar vöfflur á vöffludegi | Eldhússögur
Sæl,
mig langaði að spyrja hvort þú notaðir blástur þegar þú bakar kökuna ?
bestu kv.
Berglind
Sæl. Ég gef alltaf hitann upp miðað við undir- og yfirhita nema ég taki það sérstaklega fram.
Bakvísun: Kalkúnavorrúllur og stúdentsveisla | Eldhússögur
Góðan dag og takk fyrir góða síðu! Á myndum af veitingum frá stúdentsveislunni sé ég pinna með mangó, basil ofl að mér sýnist. Er uppskrift af þessum pinnum á síðunni.Ég hef ekki getað fundið hana. Kveðja Jenný
Sæl Jenný
Þetta er kókoskjúklingur á spjóti með mangó og spínati. Ég er ekki enn búin að setja hann á síðuna. Uppskrifina er að finna í Gestagjafanum og kemur frá Lukku á Happi. Ég á hana skannaða inn, ef þú sendir með netfangið þitt þá skal ég senda þér hana! 🙂
Hæhæ, Takk fyrir geggjaða síðu sem ég nota nánast eingögnu 🙂 Gætir þú mögulega sent mér uppskriftina af kjúklingaspjótinu á valatala@gmail.com? Bestu þakkir og kveðjur, Vala
Þessi kaka er ein af uppáhalds af þessu bloggi. Ég og mamma erum farnar að vippa henni fram með einari við hvert tækifæri sem gefst og alltaf jafn vinsæl og góð!
Takk fyrir frábært blogg, búin að prufa rosalega margt og aldrei klikkar neitt.
En hvað þetta var skemmtileg kveðja Elín, kærar þakkir fyrir að skilja eftir komment! 🙂
Sælar,
Bakar þú súkkulaðikökuna á blæstri eða bara undir og yfirhita ? (er alltaf efins þegar ég les uppskriftir)
Takk fyrir frábæran vef
Takk Íris! 🙂 Ég baka þessa við undir- og yfirhita. Tek alltaf sérstaklega fram ef ég nota blástur. Hér finnst mér betra að nota undir- og yfirhita til þess að kakan verði örugglega blaut í miðjunni.
Hæ
Hvað notar þú stórt hringlaga form í þessa? og hvað er þessi fyrir ca. marga? 🙂
Ég nota hefðbundið 24 cm form. Þú nær 10-12 sneiðum.
Ég var að baka 2 svona súkkulaðikökur er með smá bakþanka, ætla ekki að nota þær fyrr en í stúdentaveislu á laugardag hvernig heldur þu að sé best að geyma þær? Ætti ég að setja kremið strax á og geyma svo og verð ég ekki þá að geyma í kæli? Dolið mikið sem þarf að geyma í kæli fyrir svona heimaveislur. En takk annars fyrir frábært blogg þ😉
Sæl Anna Kristín. Jú, ég myndi nú geyma þær í kæli. En þú gætir líka bara sett kremið á og fryst kökurnar, tekið þær svo út um morguninn á veisludeginum. Eina sem gæti gerst er að súkkulaðiðikremið „svitni“ aðeins þegar þær þiðna en það kemur ekki niður á bragðinu og svo er hægt að fela það með t.d. jarðaberjum og sigta smá flórsykur yfir.
sæl aftur frábært takk fyrir að svara mér ég skelli bara kremi á þær eftr vinnu og skelli þeim í frystinn, þær líta mjög vel út án krems og vonandi verða þær bara betri með kreiminu 🙂
Verð að þakka þér kærlega fyrir þessa frábæru síðu hjá þér.Ég nýtti mér alveg helling af þessum uppskriftum í 50 ára afmælinu mínu og slógu þær rækilega í gegn 🙂 Takk kærlega fyrir mig.
Gaman að heyra Linda María og til hamingju með afmælið! 🙂
sæl
Tvær spurningar í sambandi við þessa ljúffengu köku……hvað fæ ég margar kökur út úr einni uppskrift ef ég set þær í svona litlar desert skálar? og er í lagi að geyma deigið í skálunum í kæli yfir eina nótt?
Sæl. Ég hef ekki notað þessa uppskrift í litlar skálar og veit ekki alveg með fjöldann. Það fer væntanlega mikið eftir skálunum og stærðinni á þeim. Þegar ég baka litlar súkkulaðikökur þá nota ég þessa uppskrift https://eldhussogur.com/tag/litla-ljufa-syndin/ þú ættir kannski að kíkja á hana og bera saman magnið í uppskriftinni. Ég þori ekki að taka ábyrgð á deginu en ég held þó að það þoli geymslu í kæli yfir nóttu. Þegar ég nota Litlu syndina uppskriftina geymi ég einmitt degið oft inni í ísskáp í töluvert langan tíma.
Hæ hæ. Þar sem ég á ekki dl mál og bý í Bretlandi, hvað eru 2 dl í gr?