Í dag eiga Eldhússögur tveggja ára afmæli! Mikið vatn hefur runnið til sjávar síðan ég opnaði þetta blogg fyrir tveimur árum. Ég hef sett hingað á síðuna tæplega 400 uppskriftir og á heimsóknirnar farið vel yfir 20 þúsund á dag þegar mest lætur. Á eins árs afmælinu í fyrra setti ég inn uppskrift að algjörri kökubombu, Súkkulaðitertu með söltu karamellukremi. Tveggja ára afmælisuppskriftin getur ekki verið eftirbátur þeirrar köku og er það sannarlega ekki. Enda getur það ekki orðið annað en veisla fyrir bragðlaukana þegar sænsku kladdkökunni er blandað saman við nýjasta Pipp súkkulaðið og Rice krispies! Eins og ég hef talað um áður þá verð ég alltaf yfir mig spennt þegar það kemur nýtt súkkulaði á markaðinn og ég get ekki hamið mig fyrr en ég hef komið því á einhvern hátt inn í uppskrift að köku eða eftirrétti! 🙂 Að þessu sinni settu Nói og félagar nýtt Pipp súkkulaði á markaðinn, Pipp með appelsínukaramellukremi. Ég linnti auðvitað ekki látum fyrr en það var komið í köku hjá mér sem ég bauð stelpunum í saumó upp á nýverið.
Uppskrift:
- 3 egg
- 2 1/2 dl sykur
- 4 msk kakó
- 2 dl Kornax hveiti
- 1 tsk vanillusykur
- 150 g smjör, brætt og kælt lítillega
- 100 g Pipp með appelsínukaramellu
Ofan á kökuna:
- ca. 6-7 dl Rice Krispies
- ca. 2 dl mini marshmallow – litlir sykurpúðar (fást í Søstrene Grene – má sleppa)
- 100 g Siríus mjólkursúkkulaði
- 100 g Siríus suðusúkkulaði
Mjólkursúkkulaði og suðusúkkulaði brætt saman yfir vatnsbaði. Rice krispies og sykurpúðum (má sleppa) bætt út í smátt og smátt og magnið af því metið miðað við súkkulaðið. Blöndunni er því næst hellt yfir kökuna (sem er enn í bökunarforminu) og dreift vel úr því. 
Kakan látin kólna í ísskáp í minnst tvo tíma eða þar til Rice krispies blandan hefur stífnað. Það er gott að láta kökuna standa í smá stund við stofuhita áður en hún er borin fram með þeyttum rjóma.
Eldhússögur 
Til hamingju med tveggja ara afmaelid 🙂 Glaesilegasta matarblogg Islands og tho vidar vaeri leitad!
Það var fallega sagt Elísabet, kærar þakkir! 🙂
Til hamingju flottasta matarblogg sem ég veit um 🙂
Takk kærlega fyrir falleg orð Halla Björk! 🙂
Til hamingju með árin 2 og takk fyrir allar gómsætu uppskriftirnar sem þú hefur deilt með okkur 😀
Kærar þakkir Guðný og takk fyrir að skilja eftir kveðju! 🙂
Til hamingju með afmælið elsku Dröfn og Eldhússögur og takk fyrir að bjarga húsmóðurheiðri mínum í ófá skipti 😉
Takk elsku Þórdís! 🙂
Til hamingju með þetta fallega og gómsæta matarblogg sem eg skoða í hverri viku 🙂 en mig langar að spyrja afhverju þu notar ekki sýróp i rice krispísið? 🙂
Sæl Ólöf
Ég prófaði að nota Síróp og fannst rice krispies-ið verða heldur of stíft miðað við sjálfa kökuna, hún er svo mjúk. Rice krispes-ið stífnar ágætlega með sjálfu súkkulaðinu og verður þá passlegt bæði til að skera og undir tönn. Hins vegar er ekkert því til fyrirstöðu að skella ca. matskeið af sírópi út í ef maður kýs það heldur.
Bakvísun: Súkkulaðirúlluterta með hnetu-Nizza og banönum | Eldhússögur