Ég hef áður sett hér inn uppskrift af Pavlovu, þeirri dásemdar tertu. Þetta er hins vegar rosalega góð öðruvísi útgáfa af Pavlovu, bökuð af móður minni, gestabloggara dagsins! 🙂 Hér er marengsinn settur í eldfast mót sem getur verið handhægt og sniðugt. Nóa kroppi er svo bætt út í rjómann sem gerir réttinn sérstaklega góðan! Það er líka hægt að nota súkkulaðirúsínur ef maður kýs það frekar. Ofan á rjómann er hægt að nota hvaða ávexti eða ber sem er. Hér notaði mamma jarðaber, vínber og íslensk bláber.
Uppskrift:
- 8 eggjahvítur
- 400 gr sykur
- 1/2 tsk salt
- 3 tsk edik
- 1/2 líter rjómi
- Nóa kropp eða súkkulaðirúsínur
- ávextir og/eða ber
- 100 gr suðusúkkulaði
Eggjahvítur stífþeyttar, sykri bætt smám saman út í ásamt edik og salti. Marengsinn settur í eldfast mót og bakaður við 175 gráður í 30 mínútur, þá er lækkað niður í 135 gráður og bakað í 30 mínútur til vibótar. Eftir það er slökkt á ofninum og marengsinn látin kólna í ofninum, helst yfir nóttu. Rjómi þeyttur, Nóa kroppi bætt út í og rjómanum síðan smurt yfir marengsinn. Skreytt með berjum og eða ávöxtum, t.d. jarðaberjum, bláberjum, hindberjum, kiwi eða ástaraldin. Að lokum er suðusúkkulaði brætt og dreift yfir berin og ávextina. Það er hægt að dreifa brædda súkkulaðinu yfir réttinn með skeið. En það er líka hægt að setja súkkulaðið í lítin poka, klippa örlítið gat á eitt hornið og sprauta því svo yfir (það má þó ekki vera það heitt að það bræði pokann).
Eldhússögur 
Dásamleg matarblogg hjá ykkur Dröfn og ekki skemmir þegar mamman skerst í leikinn. Ég fylgist vel með 🙂 En eitt sem er oft vandamál þegar maður gerir maresns hvað er best að gera við eggjrauðurnar sem eftir verða? Kv. Ása Hildur
Takk fyrir það frænka! Það besta sem hægt er að gera fyrir eggjarauðurnar er auðvitað að búa til þennan gómsæta ís: https://eldhussogur.com/2012/08/06/is-med-heimatilbunu-fronsku-nuggati-og-sukkuladisodnum-perum/
🙂
Frábær terta og vakti mikla lukku, takk fyrir þetta,
Bára
Gaman að heyra Bára! 🙂
Þessi er svo sannarlega girnileg og er ég að spá í að prufa hana, en er að spá í eitt, er formið smurt eitthvað að innan áður en maður bakar ?
Bestu kveðjur GBB
Gaman að heyra Guðný! Það þarf ekki að smyrja formið að innan.
Bakvísun: Eftirréttir fyrir gamlárskvöld | Eldhússögur
jæja nú hef ég bakað þessa fínu Pavlovu.. hvort mælirðu með að setja rjómann á í kvöld eða á morgun fyrir afmælið???
Settu rjómann á tertuna á morgun! 🙂
flott er.. takk takk.. 🙂
Bakvísun: Vinsælustu eftirréttirnir | Eldhússögur
Sæl og takk fyrir frábært blogg, nota oft uppskriftirnar þínar og er alltaf alsæl 🙂 Mig langaði að spyrja þig varðandi þessa uppskrift af Pavlova hvort hægt sé að helminga hana þe. minnka hana ?
Kærar þakkir Sigríður María! 🙂 Jú, það er vel hægt að helminga uppskriftina og nota þá bara minna form. 🙂
Hvernig edik notar þú ? 🙂
Þú getur notað hvaða edik sem er, t.d. borðedik eða hvítvínsedik. 🙂