Spaghettí með tómatsósu, mozzarella, klettasalati og parmaskinku


IMG_7666Í gærkvöldi nennti ég alls ekki að standa lengi í eldhúsinu. Það var orðið áliðið þegar ég byrjaði að elda og ég vildi búa til eitthvað fljótlegt. Á svona stundum getur verið freistandi að  sleppa jafnvel eldamennskunni og kaupa eitthvað tilbúið. Það er hins vegar tvennt sem stoppar mig af. Annars vegar er það kostnaðurinn. Við erum sex manna fjölskylda, þar af borða allir á við fullorðna nema yngsta skottið kannski, þá er tilbúinn matur afar dýr. Hins vegar er það að úrvalið. Mér finnst eiginlega enginn tilbúinn matur nógu góður eða vandaður. Það væri kannski einna helst Saffran en við höfum prófað mat þaðan í nokkur skipti. Ég verð reyndar að viðurkenna að það er einn skyndibiti sem mér finnst æðislegur og ég laumast einstaka sinnum í við hátíðleg tækifæri. Það er steikarborgarinn frá Búllunni! 🙂 Vá hvað hann er góður svo ekki sé talað um með bearnaise sósunni þeirra! En svo ég víki að gærkvöldinu. Ég stóð sem sagt í eldhúsinu og nennti varla að elda. Ég ákvað samt að búa til spaghettírétt sem stóð á borðinu 15 mínútum seinna og maður minn hvað hann var góður! Enn og aftur undrast maður yfir því hvað hægt er að gera góðan mat úr einföldum hráefnum og á stuttum tíma. Við hjónin dreyptum á dálitlu hvítvíni með réttinum sem gerði máltíðina að sannkölluðum hátíðarmat. Ósk sagði þennan rétt slá við öllum pastaréttum á þeim veitingastöðum sem hún hafði snætt á. Það má því með sanni segja að fjölskyldan hafi verið ánægð með matinn og þessi réttur verður klárlega eldaður reglulega héðan í frá.

Uppskrift:

  • 600 g spaghettí
  • 2 kúlur mozzarella ostur (samtals 240 g), skorinn í litla bita
  • 75 g klettasalat
  • ca. 30 g parmesan ostur, rifinn
  • parmaskinka

IMG_7650 Tómatsósa:

Ath. það er hægt að nota tilbúna góða pastasósu og bæta þá bara út í hana tómötum, svörtum ólífum, kryddum og ferskri basiliku samkvæmt uppskriftinni hér að neðan.

  • 1/2-1 rauðlaukur, saxaður smátt
  • 5 hvítlauksrif, söxuð smátt
  • ólífuolía
  • 1.5 dl hvítvín (má sleppa)
  • 1.5 dl vatn
  • 2 dósir niðursoðnir tómatar með basiliku og oregano frá Hunts (411 g)
  • timjan
  • pipar og salt
  • 30 g basilika (1 box frá Náttúru), söxuð smátt
  • svartar ólífur
  • 250 g vel þroskaðir kokteiltómatar, skornir í tvennt (eða venjulegir tómatar, skornir smátt)

Best er að byrja á tómatsósunni. Laukur og hvítlaukur er steiktur upp úr ólífuolíu þar til hann verður mjúkur án þess að taka lit. Þá er tómötum, vatni og víni bætt út í ásamt timjan og smá hluta af basilikunni. Látið malla í 10-15 mínútur en undir lokin er sósan smökkuð til með salti, pipar, og meira timjan ef vill auk þess sem restinni af basilikunni er bætt út í ásamt kokteiltómötum og svörtum ólífum. Spaghettí er soðið samkvæmt leiðbeiningum. Því er svo blandað saman (passið að hafa pastað og pastasósuna sjóðheitt því þannig bráðnar mozzarella osturinn og parmesan osturinn svo vel) við tómatsósuna, mozzarellaostinn, helminginn af rifna parmesan ostinum og klettasalatið. Borið fram með parmaskinku og rifnum parmesan osti ásamt góðu brauði. IMG_7659

Auglýsingar

8 hugrenningar um “Spaghettí með tómatsósu, mozzarella, klettasalati og parmaskinku

  1. vá hvað ég er sammála þér með skyndibita, ég hef alltaf lagt mikið upp úr að kenna krökkunum hvað er auðvelt að elda góðan mat, og pizza í 6 manna fjölskyldu kostar á íslandi jafnmikið og ágætis kjötvöðvi, nokkrir sveppir og kartöflur:) Hér í Danmörku er hins vegar pínu freistandi ekta ítölsku pizzurnar og sushistaðurinn hér á næsta horni.
    Stóri bróðir passaði systkini sín í síðustu viku og hann eldaði mat öll kvöld nema eitt, pítur og pasta og steik og allt mögulegt:)

    • Nákvæmlega Helga! Ég skil samt alveg að sushi og pizzurnar freisti í Köben, ég upplifði það sama í Stokkhólmi! Hann er flottur, stóri strákurinn þinn! 🙂

  2. Takk fyrir frábæra uppskrift……mér fannst ég bara komin á flottan ítalskan veitingastað – var algjört æði 😉

  3. Bakvísun: Beikonpasta | Eldhússögur

  4. Dásamleg uppskrift…… fjölskyldan hreinlega malaði eins og kettlingakór 😀

  5. Bakvísun: Ítalskt kjúklingapasta með tómötum, basiliku og mozzarella | Eldhússögur

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s