Gulrótarkökur eru rosalega góðar, sérstaklega þær sem eru safaríkar og bragðmiklar. Þessi er ein af þeim, þetta er dásamlega góð uppskrift. Þessi gulrótarkaka er best daginn eftir að hún er bökuð.
Uppskrift:
- 3 stór egg
- 2.5 dl matarolía (t.d. sólblómaolía)
- 200 gr. sykur
- 150 gr púðursykur
- 2 tsk vanillusykur
- 2 tsk kanill
- 1/2 tsk múskat
- 1 tsk matarsódi
- 1 tsk lyftiduft
- 320 gr. hveiti
- 100 gr. suðusúkkulaði, fínsaxað
- 400 gr gulrætur, rifnar
- 1-2 græn epli, rifin
Rjómaostakrem
- 100 gr. smjör, við stofuhita
- 200 gr. flórsykur
- 200 gr. rjómaostur, við stofuhita
- 3 tsk vanillusykur
Aðferð:
Hitð ofinn í 180 gráður. Þeytið saman egg, sykur og olíu þar til blandan verður ljós. Bætið út í hveiti og öðrum þurrefnum og blandið varlega saman. Bætið við súkkulaði, rifnum gulrótum og rifnum eplum og blandið við deigið. Bakið í lausbotna smurðu formi (25 cm) í miðjum ofni í 50-60 mínútur.
Krem:
Hrærið saman smjör og flórsykur þar til það verður létt og ljóst, bætið þá við rjómaostinum og vanillusykri. Smyrjið kremið á kökuna þegar hún er orðin köld.
Eldhússögur 
girnileg
Þessi gulrótarkaka er alveg dásamlega góð! Notaði kökuuppskriftina en setti á hana rjómaostakrem með hvítu súkkulaði. Hrikalega gott! Annars alltaf jafn frábært blogg hjá þér. Ég er alltaf að skoða uppskriftirnar þínar og nota þær mikið 🙂
Frábært að heyra það Kristín! 🙂 Ég var næstum því búin að gleyma þessari, ég þarf að baka hana aftur við fyrsta tækifæri, hún er svo góð! 🙂
Gerði þessa köku fyrir afmæli og er hún mjög góð takk fyrir okkur 😊
Frábært, takk fyrir að skilja eftir kveðju! 🙂
Takk fyrir þessa uppskrift, ég hef gert hana oft við mikla hrifningu konu og barna stórra sem smárra 🙂
Gaman að heyra, takk fyrir góða kveðju! 🙂