Eftir að hafa lukkast vel með útfærslu á Toblerone ísnum um daginn fór ég að hallast á þá skoðun að kannski væri ég meira fyrir ís en ég áður hafði haldið. Allavega er ég búin að búa til tvo ísa til viðbótar sem ég ætla að hafa í eftirrétt yfir jól og áramót sem mér fannst vera hnossgæti. Í þessum tilraunum mínum komst ég líka að því hvað það er óskaplega skemmtilegt að prófa sig áfram með hinar ýmsu útfærslur á ísum og sjaldnast hægt að mistakast þegar allskonar gúmmelaði er blandað saman við þeyttan rjóma! 🙂
Uppskriftin sem ég ætla að færa inn á bloggið í dag er af ofboðslega fallegum ís með frísklegu hindberjabragði sem kemur skemmtilega út á móti bismark og myntusúkkulaðibragðinu. Ég notaði súkkulaðifylltan myntubrjóstsykur sem gefur bæði ljúffengt en jafnframt hátíðlegt bragð af ísnum.
Uppskrift:
- 5 eggjarauður
- 1 msk sykur
- 5 dl rjómi
- 1 kassi Fazermint myntufyllt súkkulaði (150 g)
- 1 poki Marianne súkkulaðifylltur myntubrjóstsykur (120 g)
- 300 g frosin hindber, afþýdd.
Rjóminn er þeyttur og lagður til hliðar. Eggjarauður og sykur þeytt saman þar til létt og ljóst. Myntubrjóstsykur er mulinn fremur smátt í matvinnsluvél. Fazermint myntusúkkulaði er saxað niður. Hindber eru maukuð með gaffli. Þeytta rjómanum er blandað varlega saman við þeyttu eggjarauðurnar með sleikju og söxuðu súkkulaði, muldum brjóstsykri og maukuðum hindberjum blandað varlega saman við. Sett í ísform eða ca. 24 cm smelluform og fryst í að minnsta kosti 5 tíma.
Eldhússögur 
Bakvísun: Pizzabrauð | Eldhússögur
Ætlað hafa þessan girnilega ís um jólin en finn ekki myntubrjóstsykurinn hvar keyptir þú þinn poka ?
Ég kannaði þetta, brjóstsykurinn fæst í Krónunni, Hagkaup, Fjarðarkaup og í Þinni verslun.
Takk fyrir að svara alltaf svona fljótt 🙂
Fór í dag og fann þetta í Krónunni í Lindum
Gott að þú fannst hann! 🙂 Ég reyni alltaf að svara eins fljótt og ég get – takk sjálf fyrir að gefa mér alltaf svo góða gagnrýni! 🙂
Gleðilegt nýtt ár 🙂
Þessi ís heppnaðist rosalega vel um jólin allir mjög ánægðir með hann. Var í eftirétt á Gamlárs og var með Roastbeef með bearnaise i aðalrétt sssvvvvo gotttt og hafði grænmetið og karftöflurnar með sem þú ert með í uppskriftinni af lambahryggnum með jólaölinu.
Algjör æði 🙂
Frábært að heyra Halla Björk! Heiður að þú hafir valið allt af Eldhússögum fyrir matinn á gamlárskvöld! 😉
Bakvísun: Fimm ljúffengir ísar fyrir hátíðarnar | Eldhússögur
Bakvísun: Bismark A�s meA� myntusA?kkulaA�i og hindberjum | Hun.is
Halló mig langar svo að prufa þennan en hefurðu prófað hann með frosnum jarðarberjum ? Mig langar svo að vita hvernig það er eða hvort það sé eitthvað verra ? Eru hindberin súrari ? Kveðja Ellen
Ég hef ekki prófað en að er örugglega bragðgott að nota jarðaber. Þar sem jarðaberin eru þéttari í sér en hindber þarf bara að passa að mauka þau vel og passa að þau verði ekki í stórum klumpum í ísnum, þá getur verið erfitt að bíta í gegnum þau frosin.