Pepperóníbrauð


Pepperóníbrauð

Núna eru krakkarnir komnir í sumarfrí og það er alltaf sami höfuðverkurinn að finna eitthvað  handa þeim að borða í hádeginu. Yngsta barnið er einstaklega kresið og það þýðir lítið að bjóða henni bara ristað brauð, jógúrt eða skyr í hádeginu, hún er lítið hrifin af því. Sá gállinn er á henni að ef að henni líkar ekki maturinn þá sleppir hún því bara að borða þrátt fyrir svengd. Ég er því alltaf að reyna finna eitthvað gott til þess að eiga í hádeginu fyrir krakkana. Ef ég er heima þá er fljótlegt að búa til ostapasta og það er afar vinsælt.

IMG_1133

Ekki finnst þeim verra að fá crepes með eggi, skinku og osti.

Collages1-001

Eða pastasalat með pepperóní. 

IMG_3953

Í afmælinu hennar mömmu bauð hún upp á pepperóní brauð sem er afar vinsælt hjá krökkunum og gott að geta gripið til í frystinum. Þessi brauð passa líka vel á veisluborðið í barnaafmælum eða til að taka með í ferðalagið. Krakkarnir á heimilinu mæla eindregið með þessu brauði! 🙂

Uppskrift (Brauð og kökubók Hagkaups):

  • 320 ml mjólk
  • 600 g hveiti (hægt að skipta helmingnum út fyrir heilhveiti)
  • 20 g salt
  • 20 sykur
  • 60 smjör
  • 1 pk þurrger

Fylling:

  • 400 g beikonsmurostur
  • 130 g pepperóní, saxað
  • rifinn mozzarellaostur

Setjið allt saman í hrærivélaskál og vinnið rólega í 4 mínútur með króknum, vinnið svo deigið á miðjuhraða í 5 mínútur. Mótið deigið í kúlu og látið það hefast undir rökum klút í ca. 45 mínútur. Fletjið þá deigið út með kökukefli 30 cm x 70 cm, smyrjið ostinum á miðjuna á deginu og setjið pepperóní yfir ostinn. Brjótið saman deigið, fyrst annan helminginn yfir ostafyllinguna, svo hinn ofan á þann helming (deigið verður þannig þrefalt). Snúið deiginu við, sárið niður. Skerið deigið niður í tígla og leggið á smjörpappír (ca. 16 stk). Látið deigið hefast í 45 mínútur eða þar til það hefur tvöfaldast að umfangi. Penslið deigið með vatni og setjið mozzarellaostinn yfir. Bakið við 220 gráður í um það bil 18 mínútur eða þar til það er kominn fallegur gylltur litur á brauðin.

IMG_9926

Auglýsingar

8 hugrenningar um “Pepperóníbrauð

  1. Ég hætti alltaf við að baka brauð þegar ég les um biðtímann,
    þegar brauðið þarf að hefast. Er bannað að svindla á hefingunni? Hvað gerist?

    • Sæl Anna Kristín. Hefunin er mikilvæg, hún gefur brauðinu loftkennda og góða áferð og gott bragð, of stuttur tími gerir brauðið þungt í sér. Ef þú ert með hrærivél með krók (fyrir hnoð) þá er þetta samt afskaplega fljótlegt. Það tekur bara nokkrar mínútur að setja hráefnið í skál og svo sér hrærivélin um hnoðunina. Á meðan deigið hefast notar maður tímann í eitthvað annað! 🙂 Eina sem þarf að hugsa um er í rauninni að byrja með góðum fyrirvara, handtökin við gerbrauð eru ekkert svo mörg! 🙂

      • Svo satt! Nanna Rögnvaldardóttir sagði einhvern tímann eitthvað á þá leið að fólk ætti ekki að bíða eftir deiginu, heldur að deigið ætti að bíða eftir fólki. Nokkuð til í því. Langsniðugast er að henda í þetta með smá fyrirvara eins og Dröfn segir. Ef hann er lengri en örfáir klukkutímar (2-3) þá má henda þessu inn í ísskáp með plasti/loki yfir og taka svo jafnvel út daginn eftir. Forvinnan er kannski 5 mínútur í það heila, aðalvinnan er eftir hefinguna, en samt ekki svo mikil.

  2. prófaði pepperonibrauðið í dag og það er algert nammi.. Krakkar og karl ánægð líka… þetta verður klárlega gert aftur!

  3. Er í lagi að nota venjulegan rjómaost í staðinn fyrir beikonsmurost? Hefur einhver prófað það?

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s