Eggjanúðlur með kjúklingi og wok steiktu grænmeti


IMG_0340

Ég eldaði þennan kjúklingarétt fyrir okkur Elfar í kvöld. Börnin langaði svo ofsalega mikið í Dominos pizzur en við hjónin erum ekki hrifin af þeim. Svo enduðu krakkarnir nú öll á því að laumast aðeins í réttinn, þrátt fyrir pizzurnar, enda er hann afskaplega góður. Mér finnst oft erfitt að finna góða sósu með svona núðlukjúlingaréttum. En þessi sósa er rosalega góð! Það er hægt að nota frosið wok grænmeti en auðvitað er mikið betra að hafa það ferskt. Þessi réttur er ekki bara góður heldur afar fljótlegur að elda. Ég var jafnlengi að búa til þennan rétt eins og stóru krakkarnir voru að sækja pizzurnar, ca. 15 mínútur. Frábær réttur sem er svo gott að grípa í þegar maður vill búa til fljótlegan er samt rosalega góðan kvöldmat! 🙂

Uppskrift:

  • 600 gr kjúklingabringur eða kjúklingalundir
  • 2-3 gulrætur
  • góður biti af hvítkálshaus
  • 250 gr sveppir
  • lítill brokkolí haus
  • ferskt engifer, fingurstór biti
  • 4 hvítlauksrif
  • 1 pakki soðnar eggjanúðlur (250 gr)
  • 3-4 msk ólifuolía
  • 2 tsk sesamolía
  • 2 msk oystersauce
  • 5-6 msk góð sojasósa
  • 1 msk hoisin-sósa
  • 1 tsk sykur

IMG_0334

Afhýðið engifer og hvítlauk og saxið fínt. Skerið kjúklinginn í þunnar sneiðar (gott að skera hann hálffrosin). Skerið hvítkálið og gulrætur í strimla, sneiðið sveppina og skerið brokkolí í passlega bita. Hrærið saman sesamolíuna, ostron sósuna og hoisin sósuna, sojasósuna og sykur. Sjóðið núðlurnar eins og gefið er upp í leiðbeiningum.
Hitið ólífuolíuna á pönnu (wok pönnu ef þið eigið hana til) og steikið engifer og hvítlauk í örstutta stund á háum hita, bætið svo kjúklingnum út í og steikið þar til hann hefur fengið lit. Þá er hvítkáli, gulrótum og sveppum bætt út í.  Ef pannan er of lítil þá er hægt að færa allt yfir í stóran pott. Bætið nú við sósunni ásamt soðnu núðlunum og steikið saman í nokkrar mínútur þar til rétturinn er gegnumheitur.
IMG_0331

14 hugrenningar um “Eggjanúðlur með kjúklingi og wok steiktu grænmeti

    • Bjarni eldadi tetta handa okkur Brynju adan. Tetta er ekkert sma gott og brynja litla sagdi“ takk pabbi fyrir ad elda svona godan mat“- vid erum i sma vandraedum med 4 ara stelpu matvendni og reynum nu i sma tima ad elda eh sem henni likar vid eftir ad vid fengum heidarlegt svar a tvi af hverju hun bordar svo litid -“ tid eldid alltaf svo vont“— höfum lofad i sma tima ad baeta ur tvi.
      Dröfn: mer finnst tetta blogg storkostlegt… Hinn nudluretturinn sem tu settir inn um daginn var lika mjög godur.

      • haha … „þið eldið alltaf svo vont“ það er ekki verið að skafa utan af því! 🙂 Dásamlegt að Brynju sætu hafi líkað rétturinn. Mæli líka með tortillutertunni, kjötbollunum í tómatsósunni og oregano kjúklingaréttinum, það er eitthvað sem krökkunum hérna líkar vel.

    • Æ, þetta var tilraun til að þýða nafnið á sósunni sem er ekki sniðug hugmynd! 🙂 það stendur Oystersouce á flöskunni. Takk fyrir að benda mér á þetta, ég er búin að laga þetta! 🙂

  1. Kærar þakkir fyrir okkur. Ég er búin að sjá svo margt girnilegt hjá þér og ákvað núna um helgina að prufa einn rétt og var þessi fyrir valinu. Við hjónin vorum himinlifandi með réttinn og þóttu hann mjög einfaldan í gerð og mjög bragðgóður á meðan strákarnir okkar voru ekki eins glaðir. Þeir hefðu eflaust glaðst yfir Dominos pizzum 😉

    Takk aftur fyrir okkur!

    • Verði ykkur að góðu Gunnhildur mín, gaman að ykkur líkaði rétturinn! Já, þau geta verið gikkir þessi börn! 🙂

  2. Mamma eldaði þennan í kvöld fyrir hana og pabba. Þau sleiktu upp úr pottinum. Mamma eldar aldrei af bloggum og nú er hún farin að tala um að gera þorskinn líka og kjúklingasúpuna….hún er greinilega seld…. komin í Drafnarklúbbinn:)
    Best að ég prófi núðlurnar næst.
    Lov jú

    • Æ, krútt hún mamma þín! 🙂 En hvað þetta var skemmtilegt að heyra, vonandi verður hún áfram dyggur meðlimur í klúbbnum og prófar fleiri uppskriftir! Lov jú tú!

  3. Mjög góður réttur. Fékk aldeilis klapp á bakið frá heimilisfólkinu eftir þessa máltíð.

  4. Bakvísun: uppskriftir | ghafdis

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s