Um daginn setti ég inn uppskrift af eggjaköku en mér finnst eggjakökur afskaplega góðar. Eins eru ostar í miklu uppáhaldi hjá mér. Mér finnst því þessi uppskrift súper góð þar sem þessu hvor tveggja er blandað saman! Þetta er sniðugur réttur til að bjóða í veislum, afmælum, saumaklúbbum eða við sambærileg tilefni og er skemmtileg tilbreyting frá heitum réttum, ostasalötum og slíku. Hér bar ég hræruna fram á snittubrauði sem ég var búin að rista í ofni en það er líka gott að bera hana fram á hefðbundnu ristuðu brauði eða jafnvel kexi. Það er svo ómissandi setja rifsberjahlaup á hræruna eða jafnvel chilisultu.
Uppskrift
- 1/2 stk Gullostur
- 1/2 stk Brie ostur
- 6 sneiðar Goudaostur
- 6 egg
- 1 dl mjólk
- 1 tsk basilika
- salt og pipar
Aðferð:
Skerið Brieostinn og Gullostinn í bita og rífið eða skerið Goudaostinn smátt. Sláið saman eggi og mjólk og kryddið með salti og pipar. Hellið eggjablöndunni á pönnu og látið taka sig, setjið ostinn saman við og hrærið stöðugt í. Bakið ekki of lengi því eggjahræran á að vera dálítið blaut. Berið hana fram, heita eða kalda, með ristuðu brauði og rifsberjahlaupi.
Eldhússögur 
Af hverju fórum við ekki í Drömhuset í fyrra? Mig hefur svo lengi langað að fara þangað og síðan finnst mér við bara verða að eignast nokkra Pernillu-kjóla.
Ég held að fari að koma tími á aðra Stokkhólmsferð til heimsækja m.a. Gustavsberg, Djernía og Drömhuset. Já, og búðina i Kista Galleria sem við munum ekki hvað heitir (því það er svo mikið fínna að muna ekki hvað hún heitir en að upplýsa að hún heiti Ö&B).
Knús, Svava.
Veit ekki af hverju við klikkuðum á Drömhuset í fyrra! Ég hugsaði einmitt til þín og fór í ,,Djernía“ og keypti þar skálarnar! Við þurfum eiginlega að fara nokkrum sinnum á ári til Stokkhólms! Ég fór í Ica Maxi og Elfar fór með börnin á meðan á safn!! Svo löng var sú Ica Maxi ferð, þú hefðir þurft að vera með! 🙂
Bakkinn er voðalega sætur!
Bakvísun: Uppáhalds í eldhúsinu | Eldhússögur